Rossiya prezidenti Vladimir Putin "Balchug Kapital" yopiq aksiyadorlik jamiyati egalari aka-uka Vardan va David Amaryanlarga Amerika Goldman Sachs bank guruhidan "Gazprom", "Rosneft" va boshqa Rossiya kompaniyalari aksiyalarini sotib olishga ruxsat berdi.
Ro‘yxatda shuningdek "Inter RAO YEES", "Novatek", "Surgutneftegaz", "Tatneft", "Lukoyl", NLMK, "Rostelekom" aksiyalari ham bor.
Mazkur operasiyalarni amalga oshirish uchun kompaniyaga Rossiya Federasiyasi qonunchiligiga ko‘ra qo‘shimcha ruxsatnomalar talab etilmaydi.
"Balchug Kapital" bosh qarorgohi Armaniston poytaxti Yerevanda joylashgan. Jamg‘arma boshqaruvidagi aktivlar qiymati 2 milliard dollardan oshadi.
David Amaryan ilgari bir necha yil davomida Ruben Vardanyan asos solgan "Troyka Dialog" investisiya kompaniyasida ishlagan. Goldman Sachs dunyodagi eng yirik investisiya banklaridan biri hisoblanadi. 2022 yil mart oyida Ukrainada urush boshlanganidan so‘ng, bank Rossiya Federasiyasidagi faoliyatini to‘xtatgan.
🔴 BAA sudidan shov-shuvli qaror: o‘zbekistonliklar o‘limga hukm qilindi!
Ukrainalik asir: "Ukraina Qurolli kuchlari qariyb uch yildan beri xorijiy snaryadlardan foydalanib kelmoqda"
AQSh Ukraina bilan urushdan keyin Rossiya uchun yangi reja taklif qiladi
