Yaqin kelajakda "PSJ"ning qatarlik xo‘jayinlari klubdagi ulushini sotishlari mumkin, bu haqda Parij klubi prezidenti Nosir Al-Xelayfi ma’lum qildi, deya xabar berdi GOAL portali Financial Times nashriga tayanib.
Potensial xaridorlar bilan muzokaralar davom etmoqda. "PSJ" xo‘jayinlari klubning "qiymati 4 milliard yevrodan ortiq" deb hisoblashmoqda.
Shuningdek, Nosir Al-Xelayfiy har qanday potensial bitimni yakunlash bir necha oyga kechiktirilishi mumkinligini aytdi.
15-turdan keyin PSJ 1-liga turnir jadvalida peshqadamlik qilmoqda. Kristof Galtye shogirdlari eng yaqin ta’qibchisidan 5 ochko oldinda.
