Prokuratura yerusti metro liniyasi qurilishidagi kamchiliklarni fosh qildi

Transport prokurori Ikrom Narimov boshchiligidagi ishchi guruh “O‘zbekiston mustaqilligining 30 yilligi” halqa yo‘lida olib borilayotgan rekonstruksiya ishlarini joyiga chiqib o‘rgandi.

Tekshiruv davomida “Texnopark – Qipchoq” oralig‘idagi qurilishda bir qator kamchilik va xatolar aniqlangan:

• Loyiha hujjatlari bilan mutanosib emasligi;
• ayrim texnik me’yorlar buzilgani;
• sifat nazorati yetarli darajada ta’minlanmagani.

Prokuraturaning rasmiy xabarida ushbu kamchiliklarni qisqa muddatda bartaraf etish va loyihani belgilangan vaqtda, sifatli yakunlash bo‘yicha mas’ul tashkilotlarga topshiriqlar berilgani qayd etilgan.

Qurilish ishlari doimiy nazoratga olingan.