Polsha Ukrainaga tinchlikparvar kuchlarini yubormaslikga qaror qildi.
Bu haqda mamlakat tashqi ishlar vaziri Radoslav Sikorskiy ma’lum qildi.
"Polsha Ukrainaga tinchlikparvar kuchlarini yuborish niyatida emas va bu pozisiya prezidentlik saylovlaridan keyin ham o‘zgarmaydi", — deya ta’kidladi Sikorskiy.
Uning so‘zlariga ko‘ra, Varshavaning bu qarorini rossiyaliklar tomonidan tarqatilayotgan mish-mishlar bilan bog‘lash mumkin. Mazkur gap-so‘zlarga ko‘ra, Polsha Ukrainaga kirib, uning bir qismini egallab olishni xohlayapti.
"Biz Rossiya targ‘ibotiga mish-mishlar uchun qo‘shimcha imkon bergimiz kelmaydi", – dedi Sikorskiy RMF FM radiosi efirida.
