Konsullikning yopilishi Rossiya maxsus xizmatlarining harakatlariga munosabatdir. Bu haqda Polsha tashqi ishlar vaziri Radoslav Sikorski ma’lum qildi.
“Rossiya maxsus xizmatlari tomonidan “Marivilska” savdo markaziga nisbatan sodir etilgan dahshatli qo‘poruvchilik harakati dalillari mavjudligi munosabati bilan men Rossiya Federasiyasining Krakovdagi konsulligi faoliyatiga roziligimdan voz kechishga qaror qildim”.
📌 2024-yil may oyida Varshavadagi yirik savdo markazi va unda joylashgan 1400 ga yaqin do‘kon yong‘inga uchradi. Rasmiylar zudlik bilan tergov boshladi, biroq hozircha Moskvani to‘g‘ridan-to‘g‘ri ayblashdan o‘zini tiyadi.
Polsha Bosh vaziri Donald Tusk ham X-da yozgan:
“Biz hozir aniq bilamizki, Varshavadagi “Marywilska ” savdo markazidagi yirik yong‘in Rossiya maxfiy xizmatlari tomonidan uyushtirilgan o‘t qo‘yish natijasida sodir bo‘lgan.
11 may kuni Polsha adliya va ichki ishlar vazirliklarining qo‘shma bayonotida aytilishicha, jinoyat sodir etganlikda gumon qilinganlarning bir qismi allaqachon hibsga olingan.
“Ularning xatti-harakatlarini Rossiya Federasiyasida yashovchi aniq shaxs tashkil etgan va boshqargan”, — dedi ikkala vazirlik.
Polsha ushbu ishni tergov qilishda xuddi shunday qo‘poruvchilik harakati sodir bo‘lgan Litva bilan hamkorlik qildi. Joriy yilning mart oyida Litva rasmiylari Rossiya maxsus xizmatlarining buyrug‘i bilan Vilnyusdagi Ikea do‘koniga o‘t qo‘ygan voyaga etmagan ukrainalikka qarshi ayblov e’lon qildi. Mukofot sifatida unga va uning sherigiga 10 ming yevro va BMW avtomobili va’da qilingan.
Hokim o‘rinbosari o‘zini yoqib yubordimi?
Rossiya S-300/400 maketlari bilan dunyo ko‘zini aldamoqda!
Ukraina O‘zbekistonga sanksiya joriy qildi. Uchta kompaniya va bir fuqaro “qora ro‘yxat”da
