Balujiston ozodlik armiyasi Xitoy kompaniyasi avtomobillari kolonnasini portlatib yuborish uchun javobgarlikni o‘z zimmasiga oldi, deb xabar beradi BBC.
Pokistonning Karachi shahri aeroporti yaqinida 6 oktyabr kuni xitoyliklar bo‘lgan avtomobil kolonnasi portlatib yuborildi.
Ma’lum qilinishicha, avtomobillarda Xitoyning Pokistonda elektr stansiyalari qurayotgan kompaniyasi vakillari bo‘lgan. Hodisa oqibatida kamida ikki nafar Xitoy fuqarosi halok bo‘lgan. Xitoyning Pokistondagi elchixonasi bir kishi yaralanganini ma’lum qilgan. Pokiston polisiyasi esa kasalxonaga o‘n nafar yarador yetkazilgani, birining ahvoli og‘irligini aytgan.
Xitoy elchixonasi bayonotida kolonnada ketayotgan mamlakat fuqarolari Muhammad bin Qosim portida ikkita ko‘mir elektr stansiyasini qurayotgan Port Qasim Power Generation Co Ltd kompaniyasida ishlashini ma’lum qildi. Ushbu port Pokistonning eng yirik shahri Karachi megapolisi kabi Balujistonda emas, balki qo‘shni Sindh viloyatida joylashgan.
Portlash uchun mas’uliyatni Balujiston ozodlik armiyasi — Balujiston viloyatini Pokistondan ajratishni talab qiluvchi isyonchi guruh o‘z zimmasiga olgan. U ko‘p yillardan buyon mamlakatdagi turli ob’ektlarda ishlovchi xitoyliklarga hujum uyushtirib kelmoqda va foydali qazilmalarga boy viloyatdagi Xitoy loyihalaridan olinadigan daromadning adolatli ulushini olmayotganini aytmoqda.
Ukraina dushman uchun «Jahannam» tayyorladi
16 dekabr kuni yana izg‘irin sovuq qaytadi
Rossiya Ukrainadan yerlarini qaytarib olganini e’lon qildi
