Pokiston va Eron yetakchilari mintaqadagi vaziyatni muhokama qildi

Pokiston hukumati rahbari Shahboz Sharif Eron prezidenti Mas’ud Pezeshkian bilan mahsuldor telefon muloqoti o‘tkazganini ma’lum qildi.

U o‘zining X ijtimoiy tarmog‘idagi sahifasida ushbu suhbat iliq va konstruktiv ruhda o‘tganini ta’kidladi. Sharifning qo‘shimcha qilishicha, muloqot markazida mintaqadagi vaziyat rivoji masalalari turgan.

«Men do‘stlarimiz va sheriklarimiz ko‘magida Pokiston mintaqada mustahkam tinchlik va uzoq muddatli barqarorlikni ta’minlash yo‘lida tinimsiz mehnat qilib, halol va samimіy vositachi rolini bajarishga sodiq qolishini yana bir bor tasdiqladim», — deb yozadi Sharif.