Pokiston qimmatbaho tovarlar importini taqiqlaydi

Bu chora valyuta zaxiralarini saqlab qolishga yordam beradi.

Iqtisodiy favqulodda vaziyat tufayli Pokiston hukumati zarur bo‘lmagan qimmatbaho buyumlarni import qilishni to‘liq taqiqladi.

Taqiqlanadigan tovarlar orasida: avtomobillar, uyali telefonlar, maishiy texnika va kosmetika mavjud. Ushbu chora yoqilg‘i, oziq-ovqat yog‘i va dukkakli ekinlarga ta’sir qilmaydi.

Pokiston Axborot vaziri Marryum Aurangzebning aytishicha, qimmatbaho tovarlarga nisbatan taqiq fevral-may oylari orasida 16,3 milliard dollardan 10 milliard dollarga tushgan valyuta zaxiralarini saqlab qolishga yordam beradi.

Bundan tashqari, mazkur chora tufayli hukumat har yili 6 milliard dollargacha tejashni rejalashtirmoqda.

Ba’zi prognozlarga ko‘ra, bu yil Pokistonning byudjet taqchilligi taxminan 17 milliard dollarni yoki YAIMning 4,5 foizidan ko‘prog‘ini tashkil qiladi.