Pogba «MYu»da Mourinyo bilan munosabatlari qanday yomonlashganini aytdi

Pol Pogba «Manchester Yunayted»da bosh murabbiy Joze Mourinyo bilan munosabatlari qanday yomonlashganini aytdi.

«Hammasi jarohat olganimdan keyin boshlandi. Men Mayamiga borib, u yerda tiklanishga qaror qildim. Ba’zilar meni xotinim bilan suratga olishdi. Mourinyo bu rasmni agentim Rayolaga yubordi. Bu menga yoqmadi. Umuman yoqmadi.

Mourinoga aytdim: «Jiddiy narsami? Men jarohat oldim, lekin kuniga 3 marta mashg‘ulotlarga kelaman. Boshqa o‘yinchilar kabi emasman.

Men uchun bu yangi holat edi. Murabbiy bilan muammolarga o‘rganmaganman. Ammo ertaga Mourinyo bilan uchrashsam, u bilan birga kulardim. Undan xafa emasman», — dedi yarimhimoyachi Amazon Prime'dagi The Pogmentary hujjatli filmida.

Ma’lumot uchun, 29 yoshli fransuz erkin agent sifatida «MYu»ni tark etdi.