Pezeshkian Armaniston bilan munosabatlarning asosini aytdi

Eron prezidenti Mas’ud Pezeshkian Armaniston tashqi ishlar vaziri Ararat Mirzoyan bilan uchrashuvda Erondagi arman jamoatini ikki davlat o‘rtasidagi munosabatlarning muhim asosi deb atadi.

Pezeshkian Eronda yashayotgan armanlarni hurmatli va qonunga itoatkor fuqarolar sifatida ta’rifladi. U Armaniston bilan iqtisodiy va texnologik hamkorlikni yanada rivojlantirish zarurligini ta’kidladi.

Eron prezidenti, shuningdek, AQSh bilan munosabatlar va yadroviy dastur atrofidagi vaziyat haqida gapirib, Vashingtonning muzokaralarga yondashuvini tanqid qildi. U Eron o‘z yadroviy dasturi bo‘yicha muloqot va xalqaro tekshiruvlarga tayyor ekanini bildirdi.

O‘z navbatida, Armaniston tashqi ishlar vaziri Ararat Mirzoyan Yerevan Tehron bilan do‘stlik va hamkorlikni yanada rivojlantirish tarafdori ekanini ta’kidladi.