Pekin xalqaro hamjamiyatni G‘azodagi fojiani to‘xtatish uchun choralar ko‘rishga chaqirdi

Xalqaro hamjamiyat zudlik bilan G‘azo sektoridagi fojia avj olishining oldini olish uchun samarali choralar ko‘rishi kerak, dedi dushanba kuni Xitoy tashqi ishlar vaziri Van I.

Iordaniya, Misr, Saudiya Arabistoni, Indoneziya va Falastin tashqi ishlar vazirlari delegasiyasi ayni damda Xitoyda. Delegasiya tarkibida Islom hamkorlik tashkiloti Bosh kotibi ham bor edi. Dushanba kuni delegasiya Pekinda Xitoy tashqi ishlar vaziri Van I bilan uchrashdi.

Xitoy TIV rahbarining so‘zlariga ko‘ra, G‘azo sektoridagi vaziyat dunyoning barcha davlatlariga ta’sir qilib, insoniylik va insoniy vijdon asoslarini shubha ostiga qo‘yadi.