Qo‘shma Shtatlar Tayvan bilan munosabatlarida “yagona Xitoy” tamoyiliga qat’iy amal qilishi kerak, deya Xitoy tashqi ishlar vaziri Van I ma’lum qildi.
Uning fikricha, bu Vashington va Pekin o‘rtasidagi diplomatik munosabatlarning asosidir.
“Agar Qo‘shma Shtatlar haqiqatan ham Tayvan bo‘g‘ozida tinchlik va barqarorlikka umid qilsa, u "yagona Xitoy" tamoyiliga rioya qilishi, uchta qo‘shma kommyunikeni amalga oshirishi, Tayvanni qurollantirishni to‘xtatishi, "Tayvan mustaqilligi"ga ommaviy ravishda qarshi chiqishi va Xitoyning tinch yo‘l bilan birlashishini qo‘llab-quvvatlashi kerak”, dedi Van I AQSh davlat kotibi Entoni Blinken bilan BMT Bosh Assambleyasining 79-sessiyasi doirasidagi uchrashuvda.
Xitoylik vazirning ta’kidlashicha, “Tayvan bo‘g‘ozidagi hozirgi vaziyatning eng katta xavfi - bu orolning mustaqilligini e’lon qilgan Tayvan rahbari Lay Sindening tobora o‘zini tuta olmaydigan xatti-harakatlari”dir.
“Tayvan mustaqilligi” Tayvan bo‘g‘ozida tinchlik o‘rnatish bilan mos kelmaydi”, deya qo‘shimcha qilgan xitoylik diplomat.
Rossiya kemasi Norvegiya kemasiga qarata o‘t ochdi
Dunyodagi eng kichik 5 ta davlat
Isroil bilan chegaralar yaqinida uch davlatdan 40 ming jangchi to‘plandi
