"Paxtakor" klubi o‘zining yetakchisi bilan shartnomani uzaytirdi

"Paxtakor" klubi o‘zining yetakchisi hisoblangan Hojiakbar Alijonov bilan shartnomani uzaytirdi.

Klub tarbiyalanuvchisi hisoblangan Alijonov klub bilan bitimni 2027-yilning so‘nggi qadar cho‘zdirdi. 2018-yildan beri "sherlar"ning asosiy tarkibida o‘ynab kelayotgan himoyachi Superliga doirasida jami 166 ta bellashuvda maydonga tushib, 8 ta gol urgan. Barcha musobaqalar doirasida esa umumiy 234 ta o‘yin o‘tkazib, 11 marotaba raqiblari darvozasini ishg‘ol qilgan.

Hozirga qadar Hojiakbar "sherlar" bilan 5 marotaba O‘zbekiston chempionatida, 3 bor O‘zbekiston Kubogida, 2 marotaba esa Superkubok doirasida zafar quchgan.