Parijda Kiyevga G‘arb qurollarini yetkazib berishni to‘xtatishga chaqiruvchi namoyish bo‘lib o‘tdi

Namoyishchilar Fransiya poytaxti markazidan o‘tib, Luvr ro‘parasida to‘plandi. Aksiya ishtirokchilari Ukraina inqirozini tezroq hal qilish va G‘arbning Kiyevga harbiy yordamidan voz kechish tarafdori bo‘lishdi.

Faollar qo‘llarida "Makron, biz Ukraina uchun o‘lmaymiz," "Ukrainada tanklar va dronlar yo‘q!," "Makron, biz sening urushingni xohlamaymiz" degan shiorlar yozilgan plakatlarni ushlab turishgan.

Aksiya tashkilotchilaridan biri "Vatanparvarlar" partiyasi yetakchisi Florian Filippo bo‘lib, u Fransiyani Ukrainaga "chek yozishni to‘xtatishga" chaqirdi.

Uning ta’kidlashicha, Fransiya rasmiylari "tashqi mojarolarni qo‘llab-quvvatlash orqali ichki muammolarni niqoblashga harakat qilmoqda."