Ozarbayjon va Qozog‘iston Kaspiy dengizining Qozog‘iston qismida, Aktau porti qirg‘oqlari yaqinida “Caspian Breeze – 2025” qo‘shma harbiy-dengiz mashqlarini o‘tkazishga kelishib oldi. Bu haqda Qozog‘iston Mudofaa vazirligi xabar berdi.
Mashqlar Qozog‘iston Harbiy-dengiz kuchlari Bosh shtabi boshlig‘ining birinchi o‘rinbosari 1-darajali kapitan Kanat Niyazbekov va Ozarbayjon dengiz kuchlari shtab boshlig‘i 1-darajali kapitan Teymur Murshudov o‘rtasidagi uchrashuvda kelishib olindi. Tomonlar manevrlarning asosiy parametrlarini tasdiqladilar va navigasiya xaritalarida ssenariylarni tayyorlashga kirishdilar.
Mashg‘ulotlarning faol bosqichida kemalarni joylashtirish, qo‘shma manevrlar, assimetrik tahdidlarga javob berish amaliyoti, shuningdek, qidiruv-qutqaruv operasiyalari hamda dengiz va havo nishonlariga o‘q otish kiradi.
Niyozbekovning so‘zlariga ko‘ra, mashg‘ulotlar ikki davlat flotlari o‘rtasidagi hamkorlikni mustahkamlashga qaratilgan bo‘lib, qo‘shma operasiyalar samaradorligini oshiradi.
Ozarbayjon tomoni mashg‘ulotlar o‘tkaziladigan joyga ikkita patrul kemasi, yordamchi kema va qirg‘oq bo‘linmalarini yuboradi.
Hokim o‘rinbosari o‘zini yoqib yubordimi?
Rossiya S-300/400 maketlari bilan dunyo ko‘zini aldamoqda!
Ukraina O‘zbekistonga sanksiya joriy qildi. Uchta kompaniya va bir fuqaro “qora ro‘yxat”da
