Kecha boshqa rangli metallarning narxi sezilarli qimmatlashishi fonida oltin va mis kotirovkalari avvalgi davrdagi rekordlarini yana takrorladi. Bu haqda iqtisodchi-bloger Otabek Bakirov ma’lum qildi.
Unga ko‘ra, oltin narxlarni apreldagi mutlaq maksimum 2 430 dollarni, mis esa 2022 yil martdagi rekord 10 718 dollarlik cho‘qqini yana sinovdan o‘tkazgan.
“O‘zbekistonning asosiy eksport tovarlari narxlari keskin o‘sayotgani va yuqori darajada qolayotgani hozircha byudjet defisiti va joriy operasiyalar defisitining barqarorlashini ta’minlayotgani yo‘q. Xususan, daromadlardan xarajatlar tezroq o‘sayotgani, xarajatlarni tiyib turishning institusional mexanizmlari yo‘qligi tufayli”, deydi Bakirov.