Jamiyatda huquqiy ong va huquqiy madaniyatni yuksaltirib borish, qonun ustuvorligini ta’minlash va qonuniylikni mustahkamlashning eng muhim shartlaridan biri hisoblanadi.
Toshkent shahar sudi sudyalari tomonidan fuqarolarning huquqiy ongi, huquqiy madaniyati, bilimini oshirish va ayniqsa, yoshlarni zararli axborotlardan himoya qilish bo‘yicha mustahkam huquqiy immunitetni shakllantirish maqsadida muntazam ravishda uchrashuvlar, davra suhbatlari o‘tkazib kelinadi. Shunday uchrashuvlardan biri O‘zbekiston xalqaro islom akademiyasida bo‘lib o‘tdi.
“Islomshunoslik” fakulteti talabalari uchun “Shariat va qonunchilik” mavzusida tashkil etilgan mazkur uchrashuvda Fuqarolik ishlari bo‘yicha Shayxontohur tumanlararo sudi rais o‘rinbosari Rustam Norxo‘jayev, sudya Zulfiya Berdimuratova tomonidan jamiyat va davlat, davlat hokimiyati va boshqaruv organlari tuzilishi, fuqarolarning asosiy huquq va burchlari, jamiyat va shaxs o‘rtasidagi munosabatlar, oila qonunchiligi va ayniqsa sha’riy nikohdan o‘tish bilan chegaralanishning huquqiy oqibatlari haqida huquqiy tushuntirishlar berildi.
Jamiyatda oilaning tutgan o‘rni va roli, bu borada mamlakatimizda amalga oshirilgan muhim islohotlar, oilaviy munosabatlarni tartibga solishga qaratilgan normativ-huquqiy hujjatlar, Oila kodeksida belgilangan huquq va majburiyatlar xususida tushunchalar olgan talabalar sudyalarning ish faoliyatida sodir bo‘lgan hayotiy misollari orqali mavzuni yanada aniqroq anglashdi. Tadbir davomida talabalar o‘zlarini qiziqtirgan savollariga javoblar ham olishdi.
Alisher Qodirov Qonunga qarshi ovoz bergan hamkasblariga murojaat qildi: “Iste’molchining 3 tadan 2 tasi yoshlar. Yarmi qizlar”
Menga qancha pensiya chiqar ekan? yoki bo‘lajak pensionerlarga tavsiyalar
Gulnora Karimova manzil koloniyaga o‘tkazildi
