Nigerda hokimiyat tepasida turgan harbiy xunta Eron Islom Respublikasi bilan yadroviy qurol ishlab chiqarish uchun xomashyo bo‘lib xizmat qiluvchi 300 tonna “sariq tort” – uran oksidini yetkazib berish bo‘yicha muzokaralar olib bormoqda.
Le Monde nashrining yozishicha, Africa Intelligence Niger va Eron yadroviy xomashyo yetkazib berish bo‘yicha taxminan bir yarim oy oldin muzokaralar olib borayotgani haqida birinchi bo‘lib xabar bergan. Le Monde G‘arb va Nigeriya manbalaridan tasdiqlov oldi.
Nigerning Arlit shahri hududidagi uran konlarini o‘zlashtirish Fransiyaning Orano davlat kompaniyasi tomonidan amalga oshiriladi. Fransiyaga ham yadro quroli, ham atom energiyasi ishlab chiqarish uchun zarur bo‘lgan uran aynan shu konlardan olinadi.
2023 yil yozida Nigerda harbiy to‘ntarish sodir bo‘ldi. Hokimiyatga kelgan harbiy xunta Rossiya bilan hamkorlik qilish va o‘tmishda mustamlakachilikda bo‘lgan Fransiya bilan aloqalarni uzish yo‘lini belgiladi.