Gvatemala prezidenti Alexandro Jammatei o‘z kortejiga qilingan hujumda jabrlanmadi, deya xabar bermoqda mahalliy OAV hukumat va harbiy manbalarga tayanib.
Ularga ko‘ra, shanba kuni noma’lum kimsalar prezident kortejiga uning mamlakat g‘arbidagi Meksika bilan chegaraga yaqin hududdagi Xuyetenango departamentiga tashrifi chog‘ida o‘t ochgan.
OAV ma’lumotlariga ko‘ra, to‘rt nafar gvatemalalik hujumchi Meksikaga qochishga uringan, biroq harbiylar tomonidan qo‘lga olingan.
Keyinroq Gvatemala harbiylari vakili prezidentga hech qanday hujum bo‘lmaganini aytdi.
