O‘zbekistonda o‘zlashtirilayotgan xorijiy investisiyalar hajmida qaysi davlatning ulushi yuqori?

Statistika agentligining dastlabki ma’lumotlariga ko‘ra, 2023 yilning yanvar-mart oylarida O‘zbekiston Respublikasida asosiy kapitalga o‘zlashtirilgan investisiyalar hajmi 56,6 trln so‘mni tashkil etgan.

Shundan asosiy kapitalga o‘zlashtirilgan jami xorijiy investisiya va kreditlar 25,1 trln co‘m miqdorida qayd etilgan.

O‘zlashtirilgan jami xorijiy investisiya va kreditlar hajmida eng yuqori ulushga ega bo‘lgan investor davlatlar:

— Xitoy – 19,9 %

— Rossiya – 15,7 %

— Saudiya Arabistoni – 13,5 %

— Turkiya – 6,1 %

— Kipr – 5,4 %

— Germaniya – 3,3 %

— Shveysariya – 3 %

— Singapur – 2,9 %

— Gonkong – 2,8 %

— Buyuk Britaniya – 2,7 %