O‘zbekistonlik UFC jangchisi Nursulton Ro‘ziboyev jarrohlik amaliyotini o‘tkazdi.
"Operasiya muvaffaqiyatli o‘tdi. Oldinda uzoq tiklanish. Kuchli bo‘lib qaytamiz, Inshaallah", - deb yozdi sportchi ijtimoiy tarmoqdagi sahifasida.
Eslatib o‘tamiz, Nursulton 17 avgust kuni jang qilishi lozim edi. Ammo raqib vazn me’yorini bajara olmagani uchun ushbu jang bekor qilindi. Hozircha Ro‘ziboyevning qachon oktagonga qaytishi noma’lum.