Qozog‘iston hukmron "Nur Otan" partiyasining ertaga bo‘lib o‘tadigan navbatdan tashqari qurultoyi kun tartibi ma’lum bo‘ldi:
— partiya raisini saylash;
— siyosiy kengash tarkibini o‘zgartirish;
— Partiya nizomini o‘zgartirish.
Siyosiy kuch raisi lavozimi Nazarboyevdan Toqayevga o‘tishi kutilmoqda. Buni Qozog‘istonning birinchi prezidenti o‘zining xalqqa videomurojaatida ham tasdiqladi.
Bugun respublika parlamentining yuqori palatasi Xavfsizlik kengashi va Qozog‘iston xalqi assambleyasi raisi lavozimlarini amaldagi prezidentga o‘tkazishni ma’qulladi.
