Bosh prokuratura huzuridagi Departamentning Qoraqalpog‘iston Respublikasi Nukus shahar bo‘limi tomonidan Ichki ishlar vazirligi xodimlari bilan hamkorlikda o‘tkazilgan tezkor tadbirda qalbaki aksiz markali alkogol va tamaki mahsulotlari savdosi bilan shug‘ullanayotgan shaxs ushlandi.
Jumladan, Taxiatosh guzari hududida joylashgan savdo do‘konida fuqaro T.R. qonunga xilof ravishda alkogol va tamaki mahsulotlari savdosi bilan shug‘ullanayotganligi aniqlandi. Ushbu do‘kondan 4 ming 213 dona har xil turdagi vino, konyak, viski, aroq hamda 731 quti tamaki mahsulotlari ashyoviy dalil sifatida olindi.
Mazkur holat yuzasidan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari olib borilmoqda.
