Norvegiya ukrainaliklarga avtomatik ravishda boshpana berishni to‘xtatadi

Mamlakat hukumati bundan buyon Ukrainaning g‘arbiy viloyatlari – Lvov, Volin, Ivano-Frankivsk, Ternopil, Rovno va Zakarpat viloyatlaridan kelgan qochqinlarning arizalari individual tartibda ko‘rib chiqilishini ma’lum qildi, deb xabar beradi RTE. Norvegiya hukumati bu hududlarni xavfsiz deb hisoblaydi, chunki ular frontdan uzoqda.

Norvegiya adliya vaziri Emiliya Enger Mehlning ta’kidlashicha, 5,6 million aholiga ega mamlakat to‘liq miqyosli urush boshlanganidan beri 85 mingga yaqin ukrainalik qochqinlarni qabul qilgan, bu esa ba’zi shaharlarda uy-joy, sog‘liqni saqlash va maktablarga yukni oshiradi. Mehl, shuningdek, boshpana izlovchilar orasida harbiy yoshdagi erkaklar ulushi ortib borayotganini ta’kidladi, chunki Ukraina Rossiya agressiyasini qaytarish uchun askarlarni yollashga harakat qilmoqda.

Urushning dastlabki oylarida Norvegiya barcha ukrainaliklarga boshpana bergan, biroq keyin qoidalarni kuchaytira boshlagan. Avgust oyidan boshlab, qabul qilish markazlarida turar joysiz o‘z turar joylarini mustaqil ravishda tashkil etadigan qochqinlar oyiga 520 evrodan mahrum bo‘ldi. Bunday markazlarda yashovchilar uchun Norvegiya hukumati uy hayvonlarini saqlash xarajatlarini qoplashni to‘xtatdi. Shu bilan birga, Norvegiyadan Ukrainaga qaytishga qaror qilganlarga 1500 yevro miqdorida bir martalik to‘lov berila boshlandi.