Germaniyada shaxmat bo‘yicha "Freestyle Chess G.O.A.T Challenge" turnirining asosiy bosqich bahslari boshlandi.
Musobaqada dunyoning 8 nafar kuchli grossmeysteri ishtirok etmoqda.
Mazkur turnirda qatnashayotgan hamyurtimiz Nodirbek Abdusattorov kecha saralash bahslarini 1-o‘rinda yakunlagani haqida xabar qilgandik.
U bugun asosiy bosqich bahslarida (chorak finalda) xitoylik Ding Lirenga qarshi dona surdi va g‘alabaga erishdi.
Ertaga ular o‘rtasida javob o‘yini o‘tkaziladi. Ikki o‘yin natijasiga ko‘ra g‘olib yarim finalga yo‘l oladi.
