Netanyaxu Trampdan Isroil va Turkiya o‘rtasidagi munosabatlarni yaxshilashga yordam berishni so‘radi

Global xabariga ko‘ra, Isroil bosh vaziri bu haqda Oq uyda Amerika ma’muriyati rahbari bilan bo‘lib o‘tgan muzokaralardan so‘ng jurnalistlarga ma’lum qilgan.

"Trampning Erdo‘g‘an bilan munosabatlari yaxshi, biz u bizga yordam berishini xohlaymiz. Biz Tramp bilan Turkiya bilan qarama-qarshilikning oldini olish haqida gaplashdik", - dedi Netanyaxu.

Shuningdek, u Tel-Aviv Suriyaning Isroilga qarshi hujumlar uchun tramplin bo‘lishini istamasligini ta’kidladi.

Tramp, o‘z navbatida, Erdo‘g‘on bilan haqiqatan ham yaxshi munosabatda ekanligini tasdiqladi.

"Bosh vazirga aytdimki, balki Turkiya bilan muammongiz bo‘lsa, men buni hal qila olaman deb o‘ylayman. Bilasizmi, men Turkiya va uning rahbari bilan juda va juda yaxshi munosabatdaman. Men buni hal qila olamiz deb o‘ylayman. Umid qilamanki, bu muammo bo‘lmaydi. Bu muammo bo‘lmaydi deb o‘ylayman", - deya xulosa qildi Oq uy rahbari.