Netanyaxu: "Isroil G‘azoga bo‘lgan bosimni oshirmoqda"

Isroil G‘azo sektoridagi radikallar garovga olinganlarni ozod qilmaguncha ularga harbiy bosimni kuchaytiradi.

Bu haqda yahudiy davlati bosh vaziri Benyamin Netanyaxu bosh vazirlik idorasi tarqatgan videomurojaati chog‘ida ma’lum qilgan.

"Kecha G‘azo sektorida biz yangi bosqichga o‘tdik. Isroil armiyasi hududni egallab, terrorchilarga zarba bermoqda, infratuzilmani vayron qilmoqda. Hozir biz sektorni bo‘layapmiz va garovga olinganlarni qaytarib olish uchun bosimni bosqichma-bosqich oshirmoqdamiz. Va qancha vaqt qaytarmasalar, qaytarmaguncha bosim shunchalik ko‘p bo‘ladi", - dedi Netanyaxu.