Ukraina Qurolli Kuchlari Rossiyaning Kursk viloyatining katta qismini nazorat qilishni davom ettirmoqda, shuningdek, qo‘shni Belgorod viloyatiga kirib bormoqda va Rossiya hududidagi o‘z mavqeini kengaytirmoqda. Bu haqda NATOning Yevropadagi Birlashgan qurolli kuchlari bosh qo‘mondoni, AQSh armiyasi generali Kristofer Kavoli 3 aprel kuni Kongressdagi tinglovda ma’lum qildi, deya xabar bermoqda Politico nashri.
"Hozirgi vaqtda Ukrainaning sezilarli kuchlari Rossiyaning Kursk viloyatining ancha katta - qisqargan bo‘lsa-da, hamon muhim - qismini egallab turibdi. Bundan tashqari, ular janubda, Belgorod viloyatida strategik jihatdan qulay mudofaa chiziqlarini egallagan. Taxminan ikki hafta oldin ukrainaliklarning Rossiyaning Belgorod viloyatida cheklangan qarshi hujumi boshlandi. Shunday qilib, bu mintaqada tomonlarning navbatma-navbat muvaffaqiyatlari bilan kechayotgan keskin qarshi turish davom etmoqda," - dedi general.
Nashr ma’lumotlariga ko‘ra, Kavoli Ukraina qo‘shinlarining Belgorod viloyatiga kirgani haqidagi faktni rasman tasdiqlagan birinchi harbiy rahbariyat vakili bo‘ldi.
General frontdagi umumiy vaziyatni sharhlash chog‘ida, Ukraina qo‘shinlari hozirda mustahkam mudofaa pozisiyalarini egallab turgani va ularni yanada kuchaytirish uchun yangi jangchilarni safarbar qilish hamda tayyorlashda har hafta sezilarli natijalarni ko‘rsatayotganini alohida ta’kidladi.
