"Isroil bosh vaziri Binyamin Netanyahu AQSh prezidenti Donald Tramp bilan bugun bo‘ladigan uchrashuvda Vashingtonni Eronning raketa ob’ektlariga zarbalar uyushtirishga ruxsat berishga ko‘ndirishga urinib ko‘radi", deya xabar bermoqda The Washington Post nashri.
WP manbalariga ko‘ra, Netanyahu Eronni Isroil manfaatlari uchun mintaqaviy tahdid deb hisoblaydi va Vashingtondan Isroil armiyasi tomonidan zarbalarga ruxsat berishni, yoki AQSh Qurolli kuchlarining to‘g‘ridan-to‘g‘ri aralashuvini talab qilmoqchi.
Shuningdek, Isroil bosh vaziri AQSh prezidentini G‘azo sektori bo‘yicha ham qattiqroq pozisiya egallashga ko‘ndirishga harakat qiladi. Netanyahu Trampning tinchlik rejasining ikkinchi bosqichida belgilangan hududlardan Isroil qo‘shinlari chiqarilishidan oldin HAMAS bo‘linmalarini kuch bilan qurolsizlantirilishiga kafolat olishni istaydi.
"Netanyahu o‘z maqsadlariga erishishi ehtimoli past, chunki hozirda AQSh prezidenti Yaqin Sharqda keskinlikning yana kuchayib ketishidan qochishga va o‘z tinchlikparvar siyosatini davom ettirishga intilmoqda", deya qayd etadi The Washington Post.
Afrikada o‘zini "payg‘ambar" deb atayotgan shaxs qurgan kema atrofida o‘n minglab odam to‘plandi
Maktab va kollej bitiruvchilari 1 yillik harbiy xizmatga jalb qilinadi
O‘qituvchilar va tibbiyot xodimlarining oyligi 2 baravar oshiriladi
