Nepalda suv toshqinlari oqibatida bedarak yo‘qolganlar soni 1900 kishiga yetdi

Nepalda kuchli suv toshqini oqibatida bedarak yo‘qolganlar soni 1924 kishiga yetdi, 579 kishi halok bo‘ldi.

Bu haqda Nepal Milliy tabiiy ofatlar xavfini kamaytirish va boshqarish boshqarmasi xabar berdi.

Hukumat ma’lumotlariga ko‘ra, bedarak yo‘qolganlar orasida 517 nafar chet ellik bor. Toshqin ta’sirida bo‘lgan daryolar bo‘yidagi gidroyenergetika inshootlarida ishlaydigan yana 933 kishi bedarak yo‘qolgan.

Chegaraning Xitoy tomonida, Tibetda, 558 kishi bedarak yo‘qolgan, yana besh kishi halok bo‘lgan. Bedarak yo‘qolganlardan 260 nafari chet el fuqarolari.

Suv toshqini 26 avgust kuni Nepalning Xitoy bilan chegaradosh hududida sodir bo‘lgan. Falokatga muzliklarning qulashi sabab bo‘lgan, natijada suv, toshlar va loyning katta oqimi paydo bo‘lgan, keyin esa daryo sathi keskin ko‘tarilgan.

Qutqaruv ishlari davom etmoqda. Vayron bo‘lgan yo‘llar va ko‘priklar zarar ko‘rgan hududlarga kirishni qiyinlashtirmoqda, shuning uchun odamlarni qidirish va gumanitar yordam yetkazib berish uchun vertolyotlardan foydalanilmoqda.