Rossiya Ukrainaga ilk bor modernizasiya qilingan «Iskander-1000» ballistik raketalarini qo‘lladi

Ukraina razvedkasi ma’lumotiga ko‘ra, Rossiyaning so‘nggi zarbalaridan biri vaqtida «Iskander-1000» raketalari ilk bor qo‘llangan. Ular oddiy «Iskander-M»dan havo mudofaasini yengib o‘tish vositalari va parvoz masofasi bilan farq qiladi. GUR ma’lumotiga ko‘ra, yangi raketa 550 kmgacha, oddiy «Iskander-M» esa 390 kmgacha uchadi. Rossiya tomoni esa «Iskander-1000»ning masofasi 1000 kmgacha ekanini bildirgan. Agar bu ma’lumot tasdiqlansa, raketa Ukraina hududining deyarli barcha qismidagi nishonlarga yetib borishi mumkin.