Bizni kun davomida yaxshi kayfiyatda yurishimiz ertalabki odatlarimizga bog‘liq. Chunki ba’zi ertalabki odatlar nafaqat kundan unumli foydalanishga, balki uzoq muddatda ishda va shaxsiy hayotda muvaffaqiyatga erishishga yordam beradi.
Hozirda ko‘pchilikda erta tongdan uyg‘oniboq telefonga qarash odatga aylangan. Agar zarur ish bo‘lmasa telefonni titkilamaslik zarur. Sababi mobil telefon ekranidan keladigan ko‘k nurlanish ko‘pincha uyqusizlikka olib keladi. Agar ertalabdan telefonga uzoq vaqt tikilib turilsa, bu tashvishlanish darajasini ham oshirishi mumkin.
