Navbatdagi nayrang: Do‘stingiz sizga sovg‘a yubordi

Toshkent viloyati IIBB Telegram'ga yuborilayotgan navbatdagi nayrang haqida ogohlantirdi.

Qayd etilishicha, Telegram’da tanishlaringiz akkauntidan sovg‘a yuborilgani haqida xabar kelishi mumkin. Bu kabi xabarlar tuzoq ekani va havolani ochmaslik kerakligi aytiladi xabarda.

"Agar sizga yaqin insoningizdan shunday xabar kelsa ham ishonmang, hech narsani bosmang, chunki o‘sha inson ham firibgarlar tuzog‘iga ilingan bo‘ladi", deb ogohlantirdi Toshkent viloyat IIBB matbuot kotibi.

Agar "Faollashtirish" so‘zi ustiga bossangiz, firibgarlarning soxta saytiga kirib qolasiz va ular Telegram akkauntingiz boshqaruvini qo‘lga kiritadi.