Rossiyaning Ukrainaga hujumi Kreml rejalashtirganidek rivojlanmayapti, dedi NATO bosh kotibi Yens Stoltenberg.
“Ular Kiyevni egallab ololmadilar. Rossiya kuchlari Xarkovdan uzoqlashmoqda va ularning Donbassdagi keng ko‘lamli hujumi to‘xtab qoldi”, — dedi Stoltenberg jurnalistlarga.
“Ukraina bu urushda g‘alaba qozonishga qodir. Ukrainaliklar o‘z yerlarini mardonavor himoya qilmoqda”, dedi u. Shuningdek, Stoltenberg NATO davlatlarini Ukrainaga harbiy yordamni davom ettirishga va hatto kuchaytirishga chaqirdi.
