Namibiyaning amaldagi vise-prezidenti Netumbo Nandi-Ndaiva 27 noyabr kuni bo‘lib o‘tgan davlat rahbari saylovida g‘alaba qozondi. Bu haqda saylov komissiyasi byulletenlarni sanash yakunlangach ma’lum qildi.
Mamlakat tarixida birinchi marta bu lavozimni ayol kishi egallaydi. U fevralda Xage Geyngob saraton kasalligidan vafot etganidan keyin prezident sifatida qasamyod qilgan Nangolo Mbumbani o‘rnini egallaydi.
Saylov komissiyasi ma’lumotlariga ko‘ra, ovoz berishda ishtirok etganlarning 57 foizi Nandi-Ndaytva xonimga ovoz bergan. Saylovda 15 nafar nomzod ishtirok etgan. Birinchi turda g‘alaba qozonish uchun ovozlarning yarmidan ko‘pi va bitta ovoz kerak edi.
Netumbo Nandi-Ndaiva 72 yoshda. U SSSRda o‘qigan va u yerda “Kommunistik yoshlar harakati ishi va amaliyoti” mutaxassisligi bo‘yicha diplom olgan. Keyingi yillarda siyosatchi turli davlat lavozimlarida ishlagan va parlament deputati bo‘lgan.
Bahsli penalti oqibatida 100 dan ziyod odam halok bo‘ldi
AQSh Eronga yangi zarba berdi
Zelenskiy o‘t ochishni to‘xtatishga tayyor
