Myunxenda o‘tib ketayotgan insonlarga pichoq bilan hujum qilgan ayol otib o‘ldirildi

Myunxenda 30 yoshli ayol o‘tkinchilarga pichoq bilan hujum qildi.

Bu haqda Bild nashri yozmoqda.

Ma’lumotlarga ko‘ra, hodisa mahalliy vaqt bilan taxminan 20:00da odatda dunyodagi eng yirik pivo festivali - Oktoberfest bo‘lib o‘tadigan Teresenvizeda sodir bo‘lgan.

Qayd etilishicha, ayol o‘tib ketayotgan bir necha kishini pichoq bilan urgan, polisiya esa o‘ldirish uchun o‘t ochishga majbur bo‘lgan. Hodisadan so‘ng gumonlanuvchi shifoxonaga yetkazilgan, u olgan tan jarohatlari tufayli vafot etgan.

Hozircha hujumchining maqsadi haqida hech qanday ma’lumot yo‘q, ammo gazetaga ko‘ra, u ruhiy muammolarga duch kelgan.