Islandiya poytaxti janubida vulqon otilib, olovli lava va tutun havoga tarqaldi. Natijada sayyohlar va aholini evakuasiya qilishga to‘g‘ri kelgan. Bu haqda "Arab News" xabar berdi.
Muz va olov mamlakati sifatida tan olinadigan Shimoliy Atlantika orol davlatida harakatsiz geologik tizim taxminan 800 yildan keyin qayta faollashib, 2021 yildan buyon Reykyavik janubida 11 marta vulqon otilishi kuzatilgan.
Olov Grindavik baliqchilar shaharchasi yaqinidagi himoya to‘sig‘ini bosib o‘tib, odamlarni ko‘chirishga majbur qildi. Ko‘pchilik uylar bir yildan ko‘proq vaqt davomida bo‘sh edi.
– Hozir lava xonadonlargacha yetib borgan, biroq oqim kuchli emas, – deydi Shimoliy vulqonshunoslik markazi rahbari Rikke Pedersen.
Favqulodda xizmatlar yaqin atrofdagi hashamatli "Blue Lagoon" kurorti hududida ham evakuasiya e’lon qilishdi.
Mahalliy mutaxassislar taxminiga ko‘ra, vulqonning bir tuynukdan emas, balki yer qobig‘idagi uzun yoriqdan oqib chiqadigan, lava otilishi bilan tavsiflanadigan bu turi o‘nlab yillar, hatto asrlar davomida takrorlanishi mumkin.
Taxminan 400 000 kishi istiqomat qiladigan Islandiya o‘ziga xos tabiati, jumladan issiq buloqlari, vulqonlari tufayli yil davomida minglab sayyohlarni jalb qiladi.
🔴 BAA sudidan shov-shuvli qaror: o‘zbekistonliklar o‘limga hukm qilindi!
Ukrainalik asir: "Ukraina Qurolli kuchlari qariyb uch yildan beri xorijiy snaryadlardan foydalanib kelmoqda"
AQSh Ukraina bilan urushdan keyin Rossiya uchun yangi reja taklif qiladi
