Rossiyaning Qo‘rg‘on viloyatida 2 iyunga o‘tar kechasi polisiyachilar avtosalondagi 13 ta mashinani yoqib yuborgan mahalliy fuqaroni qo‘lga oldi.
Etkazilgan zarar 18 million rublga baholanmoqda, deb xabar beradi viloyat Ichki ishlar vazirligi.
Ishsiz hamda bundan oldin bir necha bor sud qilingan shaxs o‘z harakatining sababini izohlay olmagan.
Huquqbuzarning harakatlari videokameraga yozib olingan bo‘lib, mulkni qasddan yo‘q qilgani va zarar yetkazganligi uchun 5 yilgacha qamoq jazosiga hukm qilinishi mumkin.
