"Levada-sentra" o‘tkazgan so‘rov shuni ko‘rsatdiki, rossiyaliklar kelgindilarga nisbatan juda salbiy munosabatda: ulardan keladigan zarar foydasidan ancha ko‘p deb hisoblashadi, 70 foizi esa hukumat muhojirlar oqimini cheklashini istaydi.
Shunga qaramay, so‘rovda ishtirok etganlarning ko‘pchiligi o‘zlari yashayotgan hududda millatlararo ziddiyatni sezmaydi, boshqa millat vakillari tomonidan ochiq adovatni his qilmaydi va o‘zlari ham bunday tuyg‘uni boshdan kechirmaydi.
Shunday bo‘lsa-da, rossiyaliklarning muhojirlarga munosabati salbiyligicha qolmoqda: so‘rovda qatnashganlarning aksariyati ularning jinoyatchilik darajasini oshirishi (66%), mahalliy aholidan ish o‘rinlarini tortib olishi (56%) va umuman iqtisodiyot hamda madaniyatga salbiy ta’sir ko‘rsatishi (52 foizdan) haqida fikr bildirgan, deb ta’kidlaydi "Levada-sentra" tadqiqotchilari.
Bundan tashqari, so‘rovda qatnashganlarning uchdan bir qismiga yaqini butun mamlakat miqyosida milliy zaminda ommaviy to‘qnashuvlar yuz berishi mumkinligini ta’kidlashmoqda.
Go‘zallik malikasi 9 oyga qamaldi
Rossiya Ukrainada yangi hujumni boshladi
“Mikrofonga baqirish diplomatiya emas” — Lavrov
