O‘zbekiston U-20 yoshlar jamoasi futbolchisi Muhammadali O‘rinboyev Xitoyda o‘tgan Osiyo kubogida eng yaxshi to‘purari sifatida e’tirof etilgan edi.
Bugun O‘FA rahbariyati mazkur mukofotni futbolchimizga topshirib, kelgusida jamoamiz oldida yanada muhim turnirlar, xususan, keyingi Olimpiada yo‘llanmasini qo‘lga kiritish vazifasi turganini aytib o‘tdi. Xatolar ustida ishlash va U-20 Osiyo kubogi musobaqasida orttirilgan tajriba kelajakda katta natijalarga erishish uchun muhim asos bo‘lishi ta’kidlandi.
