Moskvada armanistonlik MMA jangchisi qo‘lga olindi

Moskvada MMA jangchisi Mixail Allaxverdyan qo‘lga olindi.

Uning yonidan o‘qotar qurol topilgan.

Sport Baza telegram-kanalining xabar berishicha, voqea 5 mayga o‘tar kechasi sodir bo‘lgan. Polisiya xodimlari 33 yoshli sportchi boshqaruvidagi "007" davlat raqami bo‘lgan Cadillac Escalade avtomobilini to‘xtatgan. Hujjatlarni tekshirish chog‘ida zobitlar e’tiborini haydovchi o‘rindig‘i orqasidagi charm sumkaga qaratdi. Allaxverdyan unda hujjatlar borligini ta’kidladi, biroq sumkani ochganida, polisiya to‘pponchani payqadi.

Jangchining so‘zlariga ko‘ra, u qurolni ko‘chadan topib olgan va uni o‘z ixtiyori bilan polisiyaga topshirmoqchi bo‘lgan.

Voqea joyiga tezkor-tergov guruhi chaqirilgan. Tekshiruv shuni ko‘rsatdiki, topilgan to‘pponcha konvertasiya qilingan RETAY S2022-O, kalibrli 9 mm. O‘zgartirishlardan so‘ng u to‘laqonli o‘qotar qurolga aylandi: to‘pponchaning bo‘linmasi arralangan va barrel teshigi o‘zgartirilgan.

Ayni damda Mixail Allahverdyan qo‘yib yuborilgan, biroq unga qarshi noqonuniy qurol saqlagani uchun jinoiy ish ochilgan.