Ukrainalik oligarx Vadim Yermolayev va uning oila a’zolari Monakodagi portlashda jarohat olishdi.
Bu haqda Le Figaro gazetasi tergov bilan tanish manbaga tayanib xabar berdi.
Ma’lumotlarga ko‘ra, noma’lum shaxs Yermolayev yashagan turar-joy binosining kirish qismiga qo‘lbola portlovchi moslama qo‘ygan. Gazeta oligarx Rossiya-Ukraina urushi boshlanganidan keyin Ukrainani tark etgani va o‘shandan beri Monakoda "VIP-qochqin" sifatida yashab kelayotganini ta’kidlamoqda.
Gazeta biznesmen va uning rafiqasi portlashda jiddiy jarohat olganini, 13 yoshli o‘g‘li esa yengil jarohatlar olganini aniqlik kiritmoqda.
Ukrainaning Strana.ua nashri Ukraina prezidenti Vladimir Zelenskiy 2023 yilda Yermolayevga qarshi Milliy xavfsizlik va mudofaa kengashi sanksiyalarini joriy qilganini eslaydi. Forbes Ukraine ma’lumotlariga ko‘ra, Yermolayev 2020 yilda eng boy ukrainaliklar qatorida bo‘lgan. Biznesmen "Alef" korporasiyasining asoschisi. 2019 yilda u Ukraina fuqaroligidan voz kechdi va Kipr pasportini oldi.
O‘n yildan so‘ng pulning ahamiyati deyarli qolmaydi
Eron 200 nafardan ortiq amerikalik harbiy xizmatchilarni yo‘q qildi
1 avgustdan avtomobillar uchun gaz bepul bo‘ladi
