Eron prezidenti Masud Pezeshkian bilan telefon orqali suhbatda Bosh vazir Narendra Modi mintaqada AQSh va Isroilning Eronga qarshi davom etayotgan operasiyalari fonida energetika infratuzilmasiga qilingan har qanday hujumlarni qoraladi.
Bu haqda Eronning ISNA agentligi xabar berdi.
Hindiston bosh vaziri Yaqin Sharqdagi keskinlikning kuchayib borayotganidan chuqur xavotir bildirdi. U mojarolar global oziq-ovqat va energetika xavfsizligiga jiddiy tahdid solishini ta’kidladi va Hormuz bo‘g‘ozida xavfsizlikni va Fors ko‘rfazida erkin kema qatnovini talab qildi.
Pezeshkian, o‘z navbatida, Erondagi urushni tugatish uchun AQSh va Isroil "zudlik bilan hujumlarni to‘xtatishi" kerakligini ta’kidladi.
"Shuningdek, hujumlar takrorlanmasligiga kafolat berilishi kerak", dedi Eron prezidenti.
28 fevral kuni AQSh va Isroil Eronga qarshi harbiy operasiya boshladi. Natijada Eronning oliy rahbari oyatulloh Ali Xomeney va boshqa bir qancha yuqori lavozimli amaldorlar o‘ldirildi. Keyin Eron Isroildagi, shuningdek, AQSh va uning Saudiya Arabistoni, Qatar, BAA, Ummon, Bahrayn, Iroq va Kiprdagi ittifoqchilari bilan bog‘liq nishonlarga zarba berishni boshladi.
Eronda 19 yoshli sportchi dorga osib qatl etildi
Gruziyada motam kuni e’lon qilindi
Eron AQShning F-35ga qanday raketa bilan zarba berganini ko‘rsatdi
