Eron havo hujumidan mudofaa kuchlari Isroilning F-16 qiruvchi samolyotini yo‘q qildi

Eron havo hujumidan mudofaa kuchlari Isroilning F-16 qiruvchi samolyotini yo‘q qildi. Bu haqda Eron Islom inqilobi qo‘riqchilari korpusi xabar berdi.

"Eronning markaziy qismida Isroil rejimiga tegishli uchinchi jangovar samolyot, F-16 turidagi qiruvchi Islom inqilobi qo‘riqchilari korpusi aerokosmik kuchlarining eng yangi havo hujumidan mudofaa tizimlari tomonidan urib tushirildi", deyiladi korpus bayonotida.

Isroil tomoni hozircha bu xabarga izoh bermadi. Ommaviy axborot vositalari samolyotning qulashi aks etgan videoni e’lon qildi.