Minskda YEOII rahbarlarining tor doiradagi uchrashuvi boshlandi

Minskdagi Mustaqillik saroyida Oliy Yevroosiyo iqtisodiy kengashining tor doiradagi majlisi boshlandi.

Tadbirda Belarus prezidenti Aleksandr Lukashenko, Rossiya Federasiyasi prezidenti Vladimir Putin, Qozog‘iston prezidenti Qosim-Jomart To‘qayev va Qirg‘iziston prezidentlari Sadir Japarov ishtirok etmoqda. Armaniston bosh vaziri Nikol Pashinyan yig‘ilishga videoaloqa orqali qo‘shildi.

Tor doiradagi uchrashuvdan so‘ng kuzatuvchi davlatlar – Kuba va O‘zbekiston, shuningdek, mehmon davlatlar – Mo‘g‘uliston va BAA vakillari ishtirokida kengaytirilgan tarkibdagi uchrashuv bo‘lib o‘tishi kutilmoqda.