2023 yil inflyasiya darajasidan kelib chiqib, 2024 yil uchun hisoblangan minimal iste’mol xarajatlari qiymati bir oyda kishi boshiga 621 ming so‘m etib etib e’lon qilindi.
✔️Minimal iste’mol xarajatlari ijtimoiy to‘lovlar va nafaqalar miqdoriga qanday ta’sir ko‘rsatadi?
Endilikda, 2024 yil 1 fevraldan boshlab quyidagi nafaqalar miqdori 608 ming so‘mdan 621 ming so‘mga oshiriladi:
1️⃣ zarur ish stajiga ega bo‘lmagan keksa yoshdagi fuqarolarning yoshga doir nafaqalari (74,9 ming nafar);
2️⃣ boquvchisini yo‘qotganlik uchun nafaqa oluvchilarning nafaqalari (51,2 ming nafar);
3️⃣ o‘zgalar parvarishiga muhtoj nogironligi bo‘lgan 18 yoshgacha bolaning parvarishi bilan band bo‘lgan qonuniy vakilning (68,4 ming nafar) parvarishlash nafaqalari.
✔️Bundan tashqari, xususiy sektorda ishlovchi ayollarga to‘lanadigan homiladorlik va tug‘ish nafaqasining davlat budjetidan qoplanadigan miqdori ham 2 272 ming so‘mdan 2 484 ming so‘mga oshiriladi.
⚡️ Shuningdek, minimal iste’mol xarajatlari miqdorining oshirilishi natijasida «Ijtimoiy himoya yagona reestri» axborot tizimi orqali qo‘shimcha 63 ming nafar kam ta’minlangan oilaga bolalar nafaqasi va moddiy yordam tayinlanishi kutilmoqda.
🟣Minimal iste’mol xarajatlari qiymatini qayta ko‘rib chiqilishi natijasida joriy yil yakuniga qadar 216 mlrd. so‘m mablag‘ yo‘naltiriladi.
🖋 Ma’lumot uchun: Parvarishlash hamda ayollarga to‘lanadigan homiladorlik va tug‘ish nafaqalarini tayinlash uchun fuqarolarning murojaati talab etilmaydi.
