Abu-Dabi shahrida 15-24 noyabr kunlari sportning Jiu-jitsu turi bo‘yicha Jahon chempionati bo‘lib o‘tdi.
Mazkur turnirda dunyoning 60 dan ortiq davlatlaridan tashrif buyurgan sara sportchilar qatorida O‘zbekiston Jiu-jitsu bo‘yicha milliy terma jamoasi ham munosib ishtirok etib qaytdi.
Terma jamoamiz a’zolari bu kabi jahon chempionatida birinchi bora qatnashayotgan bo‘lsalar-da, yakuniy natijalarga ko‘ra, 9 ta (4 ta oltin, 3 ta kumush va 2 ta bronza) medalni qo‘lga kiritdilar.
Bo‘lib o‘tgan bahslarning “beginner” yo‘nalishida sportchilarimiz Anvar Muqimov oltin medalga, Jasur Djurayev, Suxrob Usmonov hamda Xurshid Eshonxodjayevlarning har biri esa jahon chempionatining 2 tadan, ya’ni oltin va kumush medallariga sazovor bo‘ldilar.
Shuningdek, “master” yo‘nalishida Ruslan Yakubov va O‘zbekiston Respublikasi Milliy gvardiyasi harbiy xizmatchisi Kamol Usmonov bronza medallarini qo‘lga kiritdilar.