Italiyaning Milan shahri ma’murlari shaharning ba’zi hududlarida yarim tundan keyin olib ketiladigan oziq-ovqat sotishni taqiqlashni taklif qilmoqda. Xususan, taqiq muzqaymoqqa ham tegishli bo‘ladi. Bu haqda The Guardian xabar berdi.
Taqiq “do‘stlik va o‘yin-kulgi, aholi tinchligi va sog‘lig‘i, shuningdek, ish bilan ta’minlovchi savdogarlar va tadbirkorlarning erkin iqtisodiy faoliyati o‘rtasidagi muvozanatni ta’minlaydi”, deb tushuntirdi shahar hokimining jamoat xavfsizligi bo‘yicha o‘rinbosari Marko Granelli.
Rasmiyning ta’kidlashicha, yarim tundan keyin olib ketilgan oziq-ovqat mahsulotlarini sotish taqiqi har kuni 17 maydan 4 noyabrgacha shaharning eng gavjum joylarida amal qiladi.
Ko‘cha sotuvchilari esa har kuni soat 20.00 dan boshlab o‘z faoliyatini to‘xtatishga majbur bo‘ladi.
Bundan tashqari, bar va restoranlardan ham ish kunlari soat 00.30 dan va dam olish kunlari soat 1.30 dan ochiq maydonlarini yopishlari talab qilinadi, deb xabar beradi korrespondent.net.
Nashrning ta’kidlashicha, tunda muzqaymoq uchun yig‘ilish Italiya madaniyatining “shunday ajralmas” qismi bo‘lib, uni taqiqlash ehtimoli ko‘pchilik uchun ma’qul bo‘lmaydi.