“Bankir kundaligi” kanalida fuqro X. Yo‘ldoshev onlayn platforma orqali asbob-uskuna olish uchun ariza topshirgani, biroq 3 oydan buyon “Mikrokreditbank” ATB tomonidan sarson qilinayotgani ta’kidlangan xabar tarqaldi. Mazkur holat o‘rganib chiqildi.
Unga ko‘ra, X.Yo‘ldoshev “Har bir oila – tadbirkor” yo‘nalishida kredit olish uchun tadbirkorlardan talab etiladigan hujjatlarni to‘liq taqdim etmagani ma’lum bo‘ldi.
Shuningdek, fuqaro jismoniy shaxs sifatida ham onlayn ariza topshirgan bo‘lib, bank tomonidan ariza o‘rganilishi jarayonida Yo‘ldoshevning boshqa bank KATM bazasida kredit qarzdorligi borligi aniqlangan va bu bo‘yicha o‘sha zahoti mijozga ma’lumot berilgan.
