Buni 11 oktyabrdan boshlab “Zolotaya korona” to‘lov xizmatlari tizimi yordamida amalga oshirishning imkoni bo‘ladi, deb yozadi “Vedomosti” nashri kompaniya direktorlar kengashi raisi Nikolay Smirnovga tayangan holda.
Avvaliga migrantlar kichik miqdorda qarz olishlari mumkin – 5-15 ming rubl. Kreditni “Strana ekspress” kompaniyasi taqdim etadi.
21 kun mobaynida kredit bo‘yicha foiz olinmaydi, keyin kuniga u 1 foizni tashkil etadi.
Smirnovning so‘zlariga ko‘ra, qarzni “Megafon”ning barcha salonlarida olish mumkin bo‘ladi. Keyin qarzni boshqa salonlarda ham berish imkoniyati ko‘rib chiqiladi.
